يوتيوب : #حقائق_مصارعة - 6 حقائق لاتعلمها عن WWE! | #صدى_المصارعة


بعد النجاح الكبير اللي غيّر مجرى WWE وعالم المصارعة بشكل عام بعد اطلاق WWE NETWORK في فبراير ٢٠١٤، شفنا زيادة في شعبية هذي الرياضة الترفيهيه .. الرياضة اللي بدأت في القرن ١٩، وعندي لكم اليوم في هذي الحلقة من سلسلة حقائق مصارعة، 6 حقائق لاتعلم عنها عن المصارعة الحرة WWE.


1- ماهو ال Gorilla position؟
لو تدقق في معرفة ايش يحصل خلف الكواليس خصيصًا في WWE، راح تسمع مصطلح gorilla position.. ايش يسوون المصارعين قبل دخولهم الحلبة؟ ، الجواب هنا .. في كل عرض مصارعة يكون فيه منطقة خلف الستار اللي يخرجون منه المصارعين للحلبة، هذي المنطقة السّرية فيها : شاشات تلفيزيون، مُنتجين من خلف الكواليس، ومصارعين ينتظرون وقت فقراتهم أو مبارياتهم.
من هذي المنطقة الإدارة يقدرون يتواصلون مع المعلقين جانب الحلبة ليوجّهون تعليقهم بشكل صحيح، وحتى الحكام ليخبرونهم بتغيير خطط المباراة حتى يمررون للمصارعين بالمعلومات هذي..
طبعًا سُميت المنطقة هذي نسبةً إلى الراحل الهول اوف فيمر gorilla mondoon ، اللي حدد مكان هذي المنطقة وبعد مسيرته كمصارع ومعلق كان متواجد فيها.


2- عقاب من تربل اتش أطلق مسيرة ستيف اوستن!
واحدة من أكثر اللقطات ضجة في عالم المصارعة كانت في ١٩٩٦ في ماديسون سكوير قاردن، يوم سكوت هول وتربل اتش انضموا إلى شون مايكلز وكيفن ناش في الحلبة في لقطة غير متلفزة، مباشرة بعد ما فاز مايكلز على ناش في مباراة قفص، كان مخطط لهول وناش انهم بعد المباراة هذي يتركون WWF ويروحون إلى WCW، هذي كانت آخر مرة الأربعة أصدقاء يكونون مع بعض، بإعتبار ماديسون سكوير قاردن القاعة العريقة، فطلبوا من فينس مكمان الموافقة لتوديع الجماهير، اللقطة لاحقًا عرفت ب" The curtain call" ، هذي اللقطة كانت كسر كبير لتقاليد المصارعة الحرة لأنه كان هول ومايكلز محبوبين واتش وناش كانوا مكروهين، وفي العامة وامام الجمهور يضمّون بعض وبعد مباراة! المصارعين بعدها استائوا من اللي حصل بشكل كبير، ومكمان أُجبر على معاقبة أحدهم، ناش وهول انتقلوا لWCW، مايكلز وقتها كان في القمة فما تقدر تقول له شيء، بقي تربل اتش اللي بيآكلها.. جزء من معاقبة فينس لاتش كانت بخسارته للتصعيد إلى الأحداث الرئيسية، وكان مُخطط يفوز في بطولة "King of The ring" لكن فينس جعله يخسرها، اللي فاز فيها شخص انطلقت مسيرته من هناك "ستون كولد ستيف اوستن" اللي بعد مافاز أطلق لنا خطاب يُعد من أفضل الخطابات في التاريخ، واوستن اصبح بعدها من أفضل المصارعين في الاتحاذ وأعلاهم شعبية.. يجعلك تتسائل لولا معاقبة تربل اتش هل اوستن انطلقت مسيرته؟


3- فينس مكمان امتلك WCW قبل امتلاكه WCW!
في ٢٠٠١ فينس مكمان صدم الجميع بإمتلاكه WCW، بعد المفاوضات الكثيرة اللي حصلت لإمتلاك الشركة لكن في النهاية فينس اشتراها ومَلَك (عقود المصارعين، العلامة التجارية، حقوق النشر، ومكتبة الفيديو كاملة!) ، على أي حال هذي ماكانت المرة الأولى اللي فينس يملك فيها WCW ، في ١٩٨٤ مكمان كان يخطط بتمديد شركته من ناحية التلفزيون، بحيث مو فقط العروض تكون على شبكة USA، ولكن الشبك الأكثر شعبية TBS، تيد تورنير كان من الأساس يبث "World championship wrestling" من "George championship wrestling" ورفض لمكمان بث وقت لعرضه، لكن فينس حتى يأخذ له وقت في شبكة TBS اشترى سهم ليتحكم في George championship wrestling، ومكمان ابعد كل اللي يعملون في هذا الاتحاد واستبدلهم بفريقه، أول عرض كان في ٧ july ١٩٨٤ والمعروف في "السبت الأسود" ، بعد الشخصيات الواقعية اللي قدموها GCW  إلى الكرتونية اللي قدموها WWF ، خسارة عدة مواهب من هناك، شبكة TBS وصلها عدة شكاوي وانتقادات بعد هذي المهزلة، تيد تورنير لم يكن راضي وأعطى وقت لإتحادات أخرى واللي ببساطة تغلبت على عدد مشاهدات WWF، مكمان تعرض لخسارة مالية، مكمان توجّه إلى اتحاد "National wrestling alliance" لعمل صفقة مع جيم كورنيت، كورنيت اشترى WCW من فينس مكمان مقابل مليون دولار وبدأ منظمته، تيد تورنير بعدها اشترى جميع منظمات جيم كروكيت في ١٩٨٨ واللي كان من ضمنها WCW وكانت الإنطلاقة الحقيقية من هناك، واللي مكمان اشتراها بعد ١٣ سنة!


‏4- WWF ضد WWF!
لعدة سنوات، الناس كانوا يلخبطون بين World wrestling federation ، و World Wildlife fund، الاول اتحاد مصارعة والثاني شركة اهتمام بالبيئة وجميعهم يشتركون بإختصار WWF، في ٩٤ الطرفين دخلوا في اتفاقية تنص على اتخاذ اختصار WWF لاتحاد المصارعة وبشكل قليل ومحدود يتم ذكر الاختصار في السيناريوهات المكتوبة وكلام المعلقين، الطرف الثاني الشركة المهتمة بالبيئة، اتفقوا على هذا الشيء وسمحوا لهم بأخذ الأسم ولكن بشكل محدود كما هي الإتفاقية، في عام ٢٠٠٠ اتضح انه Titan Sports المالكة لWWF الاتحاد، لم يوفوا بالإتفاق، القضية حُكمت في بريطانيا وكانت لصالح شركة الإهتمام بالبيئة.. في عام ٢٠٠٢ Titan Sports غيّرت المسمى من WWF إلى WWE ..
من "World wrestling federation" إلى "World wrestling entertainment" ، وفي ٢٠١٢ WWE و WWF عقدوا اتفاقية أخرى سمحت لWWE بصلاحية عدم تشفير الشعار واسم WWF في أرشيفها.


5- ستينق صارع الأندرتيكر من قبل!
صدّق أو لا تصدّق ولكن مباراة الأحلام المنتظرة من سنين صارت من قبل، في WCW كان الأندرتيكر أو تحديدًا "Mean Mark callous " اسم شخصيته في تلك الفترة.... في سبتمبر ١٩٩٠ حدثت المباراة بينهم ولأول مرة غير متلفزة وبفترة قصيرة قبل انتقال مارك إلى WWE اللي اعطي الشخصية اللي اضافت له الكثير واضاف لها الكثير، المباراة كانت في مدينة شمال كارولينا، المباراة كانت متوسطة نوعًا ما لدرجة ان الجمهور وقتها تقبلوها فقرروا WCW ان يكررونها في عدة House shows لكن وقتها تأخروا كثير ومارك اتّجه إلى WWE..


6- مباراة الرويال رومبل كادت أن لا تحصل!
في عصرنا هذا الرويال رومبل الثاني أهمية بالنسبة للPAY PER VIEWS، والأغلبية يتحمسون لها لأنها من أقوى المباريات في المصارعة، لكن في الواقع فكرة المباراة ماكانت بتصير. Pat patterson هو صاحب فكرة الرويال رومبل وأول ماقدّمها لفينس مكمان، مكمان كرهها كليًا!
الفكرة طرحها على مكمان في ١٩٨٧ ورفضها مكمان بالكامل وعلّق عليها "بالغبية"، على أية حال NBC احتاجوا من WWF على وقتها حدث مميز،على شبكة قنوات USA ماكانت عند فينس أفكار، فقال فينس لPAT "قول للمدير التنفيذي لNBC فكرتك الغبية!" .
طبعًا المدير التنفيذي أعجب فيها أكيد، وأخبر فينس مكمان أنه هذي المباراة راح تجعل الجمهور مجنون!
أول مباراة رويال رومبل كانت في يناير كحدث خاص، وصارPay per view السنة اللي بعدها.


في النهاية اتمنى استمتعتوا في هذي المعلومات واعطونا رآيكم فيها تحت في التعليقات وشكرًا لطيب المتابعة.


لمشاهدة مقطع الفيديو الكامل:

ليست هناك تعليقات :